النهاردة حتكلم عن مشكلة فعلا زهقنا منها , موجودة في كل مكان, معترف بيها في كل مكان...
..
ليه محدش بقى يحترم الحريات الشخصية, ليه دخلو مناخيرهم في كل حاجة..أرحمونا بقى..
يطلع لوحدة مش محجبة... مش لابسه الحجاب ليه؟
هي: طيب و انت مالك؟
هو: النصيحة و الدعوة وووووو
******
تطلع لزميلتها في الشغل ... انتي لابسه كده ليه؟:
هي: أنا قاعدة مع بنات بس
صاحبتها: بس ممكن وحدة تروح توصف جسمك لراجل غريب..
هي: طيب وبعدين
******
مش بس للبنات, للأولاد, بجد مش فاهمة
اللي عامل فيها شيخ و متدين و بدقن, و طالع للناس يقول اتقو الله, و الحرام والحلال ... و هو لا عارف عن ابنه مصاحب بنت الجيران, و بتته ( المنقبة) اللي بتكلم بدل الولد عشرة ..
مشكلتنا مش التدين الظاهري, مشكلتنا الحرية الشخصية
التدين هو حرية شخصية لا أكثر, اللي عاوز يبقى مسلم يبقى مسلم , و اللي عاوز يبقى مسيحي براحته
ندعيهم للدين ماشي, بس هو اختيارهم ...
قال تعالى: (لا إكراه في الدين قد تبين لكم الرشد من الغي) صدق الله العظيم
ربنا بيحاسب و يعاقب, ربنا بس,مين عينك على الناس ؟ مين اللي طلب منك نصيحة...النصيحة بحدود, تاخده على جنب, وتكلمه... بس مش تمسكه في وسط الشارع و تفضحه قدام الناس ...
دي وجهة نظري مش اكثر !
تحية ...
********
